Komunikadus
- 15 maiu 2024Sorumutuk Konsellu Ministrus nian iha loron 15 fulan-maiu tinan 2024Prezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Komunikadu Imprensa
Sorumutuk Konsellu Ministrus nian iha loron 15 fulan-maiu tinan 2024
Konsellu Ministrus hala’o sorumutu iha Palásiu Governu, Dili, no hahú ho aprezentasaun ida husi Governadór Banku Sentrál Timor-Leste (BCTL, sigla iha lian portugés), Helder Lopes, kona-ba jestaun operasionál Fundu Petrolíferu.
Aprezentasaun ne’e inklui informasaun kona-ba estratéjia no implementasaun ba investimentu, alokasaun portfolio, dezempeñu investimentu, reseita Fundu Petrolíferu no mós kona-ba levantamentu Fundu Petrolíferu nian.
Estratéjia investimentu ba Fundu Petrolíferu ne’e gia hosi objetivu klaru ne’ebé lejizlasaun nasionál estabelese ona, ho objetivu atu asegura katak reseita ne’ebé maihusi esplorasaun petrolífera sei investe atubele garante benefísiu sustentavel tantu ba jerasaun atuál no mós ba jerasaun futura.
*******
Konsellu Ministrus aprova projetu Decreto-Lei alterasaun dahuluk ba Dekretu-Lei n. 96/2022, iha loron 30 fulan-dezembru, ne'ebé kria Millennium Challenge Account-Timor-Leste no aprova ninia estatutu, ne'ebé aprezenta husi Ministra Finansas, Santina José Rodrigues F. Viegas Cardoso.
Haree ba estrutura Governu Konstitusionál IX estabelese katak Millenium Challenge Account – Timor-Leste, I.P. (MCA-TL) dependénsia ba Ministra Finansas, sai nesesáriu atu halo alterasaun ba Dekretu-Lei n.96/2022, iha loron 30 fulan-dezembru, hodi transfere tutela no superintendénsia/ supervizaun MCA-TL nian husi Primeiru-Ministru ba membru Governu ne'ebé responsável ba área finansas.
Iha sorin seluk, sai importante mós atu aliña dispozisaun sira kona-ba estrutura MCA-TL nian, ho objetivu atu asegura implementasaun ida ne’ebé efikás no efisiente husi objetivu sira ne’ebé sai hanesan ninia baze, liuliu, atu garante tranzisaun armonioza ida kona-ba kompeténsia durante no hafoin períodu instalasaun no evita atrazu atu foti desizaun kona-ba MCA-TL.
****
Konsellu Ministrus mós aprova projetu Rezolusaun Governu ne’ebé aprezenta mós husi Ministra Finansas, kona-ba reforma sistema kontabilístiku.
Objetivu husi reforma ida-ne’e atu garante fiabilidade no modernizasaun iha inskrisaun, klasifikasaun no rejistu ba reseita no despeza sira, atubele promove transparénsia iha finansa públika no privada sira no mós promove dezenvolvimentu ekonómiku.
Objetivu prinsipál sira inklui, iha prazu fulan 12, kria padraun kontabilístiku foun ida no planu kontas ne’ebé bele aplika ba setór públiku no privadu, hodi aliña ho norma internasionál sira, no implementasaun sistema integradu ida ne’ebé inklui no asegura relasaun entre kontabilidade orsamentál, bazeia ba klasifikadór orsamentál no kontabilidade finanseira, tuir planu kontas. Sistema ne’e mós tenke simples, fasil no adekuadu atu utiliza ba nesesidade, kapasidade no rekursu ba setór públiku no privadu nasionál.
Iha prazu másimu fulan 24, sei kria mós Konsellu Kontabilístiku Nasionál ida hodi emite norma no rekomendasaun sira. Iha prazu médiu ne’e, sei kria rejime sertifikasaun ida hodi garante kualidade profisionál ne’ebé responsavel ba kontabilidade no asosiasaun profisionál ida ba profisionais kontabilidade no auditoria nian. REMATA - 08 maiu 2024Deklarasaun kona-ba Dra. Helen Hill nia matePrezidénsia Konsellu Ministrushare tan
Portavós Governu Timor-Leste
IX Governu Konstitusionál
...........................................................................................................................
Loron 8 Fulan-Maiu Tinan 2024
Komunikadu Imprensa
Deklarasaun kona-ba Dra. Helen Hill nia mate
Dra. Helen Hill hala’o nia moris nakonu ho solidariedade ba Timor-Leste
Nia hahú vizita Dili ba dahuluk iha inísiu tinan 1975, tempu ne’ebé nia hanoin-hetan hanesan “espetativa no otimizmu” ida.
Ninia planu hodi hakerek teze mestradu ida kona-ba tranzisaun ba independénsia Timor Portugés termina ho invazaun Indonézia nian.
Envezde ne’e, nia hakerek “The Timor Story” ne’ebé publika iha finál tinan 1975, ne’ebé sai fali hanesan bíblia ida ba akadémiku no ativista sira ne’ebé hakarak hatene barak kona-ba iha ita-nia rain ne’ebé iha momentu susar no to’o akontese invazaun.
Dra. Helen ikusmai sai akadémika internasionál importante ida iha área dezenvolvimentu komunitáriu iha Timor-Leste.
Nia nu’udar mentora ba estudante timoroan rihun-ba-rihun iha Dili no iha Universidade Victoria iha Melbourne, iha ne’ebé nia hanorin durante tinan barak.
Nia nu’udar ko-organizadora ba konferénsia bienál iha Universidade Victoria no Universidade Nacional Timor-Lorosa’e (UNTL).
Nia mós nu’udar Profesora Konvidada iha UNTL no Membru Onoráriu Universidade Victoria nian.
Nia simu medalla agradesimentu ho Orden Timor-Leste, ba ninia vida solidariedade ba ita-nia país iha tinan 2014.
Helen mós nu’udar ko-fundadora ba Asosiasaun Austrália -Timor-Leste
Helen Hill ajuda fahe ita-nia istória no ita-nia luta ba mundu. Nia hanorin estudante rihun ba rihun. Ami sei sente saudades tebes ho ninia auzénsia.
Vale Helen.
- 30 abril 2024Sorumutuk Konsellu Ministrus nian iha loron 30 fulan-abril tinan 2024Aprova ona:hare tan
1 - Konsellu Nasionál Dezenvolvimentu Juventude (MJDAC);
2 - Empeñamentu Operasionál Konjunta entre F-FDTL no PNTL (MD e MI).
Analiza ona:
1 - aprezentasaun kona-ba Sistema Seguransa Sosiál iha Timor-Leste (MSSI);
2 - aprezentasaun kona-ba medidas organizasaun territoriál ne’ebé la’o hela (SEATOU) - 24 abril 2024Sorumutuk Konsellu Ministrus nian iha loron 24 fulan-abril tinan 2024Aprova ona:hare tan
1 - autorizasaun lejizlativa kona-ba fiksasaun limite idade relasiona ho serbisu funsionáriu públiku no ajente administrativu sira nian (PCM);
2 - donativu ho valór dolar amerikanu rihun 150 ba Fundasaun Amílcar Cabral de Cabo-Verde, ne’ebé ho intensaun atu apoia organizasaun ba Komemorasaun Sentenáriu Amílcar Cabral nia moris, (PM);
3 - alterasaun dahuluk ba Rejime Espesiál Aprovizionamentu kona-ba Vizita Sua Santidade Papa no ezekusaun Orsamentu Jerál Estadu tinan 2024 nian (MAE);
4 - votu kongratulasaun ba povu portugés Aniversáriu Revolusaun 25 fulan-abril tinan 1975 nian ba da-50 no ba ezemplu konkista fali rekuperasaun liberdade no demokrasia nian ho pasífiku (PM);
5 - toleránsia pontu ba loron 25 fulan-abril, durante loron tomak (PM). - 24 abril 2024Deklarasaun Timor-Leste kona-ba konflitu iha Myanmar ne’ebé aumenta helaTimor-Leste espresa solidariedade tomak ho Deklarasaun Líderes ASEAN nian kona-ba Konflitus iha Myanmar ne’ebé aumenta hela, ne’ebé fó-sai iha loron 18 fulan-abríl tinan 2024. Ami partilla preokupasaun kle’an ASEAN nian relasiona ho konflitus daudaun ne’ebé aumenta hela iha Myanmar, liuliu iha área sira Myawaddy, estadu Kayin, iha fronteira entre Myanmar no Tailándia, no iha estadu Rakhine, ne’ebé hamosu dezlokamentu ema sivíl sira.hare tan
- 23 abril 2024Deklarasaun Timor-Leste nian kona-ba Konflitu Izraelo-PalestinianuTimor-Leste akompaña ho atensaun dezenvolvimentus iha Médiu Oriente, ho preokupasaun ne’ebé kle’na, no apoia tebes solusaun ida ho estadu rua, hodi rezolve konflitu izraelo-palestinianu.hare tan
- 17 abril 2024Sorumutuk Konsellu Ministrus nian iha loron 17 fulan-abril tinan 2024Aprova ona:hare tan
1 - Alterasaun dahuluk ba Dekretu-Lei n. 26/2016, loron 29 fulan-juñu, kona-ba AIFAESA, I.P. (VPM/MCAE);
2 - Podér tomak hodi asina Planu Asaun ba Kooperasaun Ekonómika no Komersiál (2024-2027), iha Fórum Macau, (VPM/MCAE);
3 - Deliberasaun hodi kria ekipa konjunta hodi halo asaun kontrolu no fiskalizasaun ho objetivu atu prevene kontrabandu no falsifikasaun ba produtu tabaku, (VPM/MCAE e MI);
4 - Rejimentu Konsellu Ministrus (PCM);
5 - Alterasaun dahuluk ba Dekretu-Lei n. 13/2016, loron 18 fulan-maiu, ne’ebé Regulamenta Fundu Insfraestruturas, (MPIE);
6 - Adjudikasaun kontratu kona-ba projetu reabilitasaun Estrada Munisipál, Pakote 2, Uatolari-Laisorulai, 0+000 – 22+000 (22Km), iha Munisípiu Vikeke (MPIE);
7 - obras ne’ebé sei kontrata hodi kontinua no finaliza, ka hodi selu ba serbisu ne’ebé hala’o ona ho efetiva, nune’e mós ba despeza ida-idak, tuir Dekretu-Lei n.15/2024, loron 20 fulan-marsu (MPIE);
8 – tema “Hametin Instituisaun Estadu Hodi Serbí Povu” ba komemorasaun loron 20 fulan-maiu tinan 2024 (CM).
Analiza ona:
1 - Aprezentasaun kona-ba rezultadus husi teste ba Bolsa Kandidatu Profesores (ME).
2 – Aprezentasaun: Dili Marina Square (VPM/MCAE) - 09 abril 2024Sorumutuk Konsellu Ministrus nian iha loron 9 fulan-abril tinan 2024Aprova onahare tan
✅1 - Proposta ba Parlamentu Nasionál kona-ba ratifikasaun Protokolu Adezaun ba Organizasaun Mundiál Komérsiu (VPM-MCAE)
✅2 - revoga rezolusaun Governu n.6/2016, loron 17 fulan-fevereiru, ne’ebé altera liuhusi Rezolusaun n.24/2023, loron 24 fulan-maiu, ne’ebé kria Komisaun Nasionál ba Fasilitasaun Komérsiu (CONFAC) (VPM-MCAE)
✅3 - memorandu entendimentu ho Ministériu Kultura Repúblika Kuba nian (MJDAC – SEAC)
Analiza ona
➡️1 - aprezentasaun kona-ba Timor-Telecom (MTC)
1 
